一早起來，把行李及大背包作最後的包裝，其實昨天晚上已經執拾了大部份的衣服，早上是作最後的包裝。吃過最後的早餐，今天的早餐也是很豐富的，而且更是Yui親自下廚，其實是煎了蛋捲，跟媽媽手作的三文治，嗚啊，又是幸福的一天。
吃過幸福的三文治，收拾好行裝，係時候跟這個日本家庭講拜拜了。今天爸爸也很好人，因為他會載我到火車站，其實爸爸是有工作的，不過剛好我到訪的時間是星期五至星期日，所以剛好爸爸都在家，不過他逢星期一至五其實都不在家，因為他被他的公司派到瀨戶內海的島上工作，所以星期日晚他會駕車回到小島，星期五晚會回到家中。
不到十分鍾，就已經到了火車站了。Yui跟我說：「很多謝你能到我家Couchsurf，有機會既話一定要再黎日本玩！」我當然也回到：「呢幾日好多謝你俾機會我試到Couchsurf，如果有朝一日你黎香港玩，亦都請一定要通知我！」之後，影一影相，告別爸爸跟Yui，我又再重新上路啦！
再見囉！高松市！
說了再見之後，我也繼續重新上路！今天是先坐火車過橋，到瀨戶內海另一邊的岡山，再於岡山轉乘新幹線，前往大阪。預計全程也只是大約三個小時左右，真的是非常方便。至於價錢，就和味啦，由高松去大阪，總共係要七千幾羊，詳細我實在無記低，因為我用閘口出閘，收返張飛無得留念。所以下次去，記得搵人手檢票，可以保留張飛。
第一程車是由高松去岡山，大約５０分鍾左右就到了岡山！時間我實在忘記了，我大約是１１點的車出發，坐到岡山應該是大約１１點左右。到了岡山之後，看到了岡山站，便覺得在四國旅行時看到的車站實在是太精緻啦！以岡山站這個在本島不算大站只算中型的站為例，已經比四國我看過最大的站，高松站大很多了。很多的月台跟很多的列車互相交錯，高松站也最多只有八個月台吧，這裡保守估計有超過十個以上，這就是新幹線跟本線列車的混合怪物嗎？！實在是太大啦！
不過係坐第一程車既途中，我發現原來我唔記得拎返個差電器，搞到漏左係Yui屋企！唯有Line佢睇下有無搵得返啦。結果佢搵左佢爸爸幫手上左間房睇，果然發現我既手提電話差電器，仲話可以寄俾我。點寄？就係直接寄去機場既郵局，而我就係郵局拎返咁！不過要記住，名一定要寫英文原名，唔係有機會唔俾你拎，我就因為咁差啲拎唔返我既差電器。好彩，最後都拎得返！真係極度感謝Yui同佢屋企人既幫忙！
先上去大堂，再由大堂轉去新幹線的月台，看看時間表，平均十分鍾就會有一班車，這會不會太瘋狂了？！時速２７０公里的新幹線是每十分鍾一班車？！新幹線是怪物吧？！不過我不理會了，總之有車能夠去大阪就可以了。不過，由於我不太懂看時間表，所以我就問問月台上的人，問了一個家庭，指著月台的一班新幹線問到這班車經不經大阪，他說會經過，那我就上了。結果我坐了一班慢車，就是會停較多的站的新幹線。不過，作為喜歡火車旅行的人，坐耐啲感覺是賺了！哈哈！上了車後也發現，原來自由席的卡數只有兩卡，其餘十卡都是預約席，但自由席竟然有很多的空位。原先也擔心要不要用多１千羊買預約席，結論是不用擔心，因為自由席都很多位。
坐上了新幹線，我的２７０極速傳說要開始啦！看著車廂內的速度顯示計慢慢提升，真係非常激動！其實感覺同上次在台灣坐的高鐵差不多，大陸的我還沒有機會試搭，所以這次日本的感覺也是很好啦！睇著新幹線以時速２７０穿越田野，真係非常激動呀！大約坐左１小時多一啲既時間，已經由岡山到達大阪的新大阪站！結論是，這個車站比岡山的更大更誇張！！
岡山轉車時的車站顯示牌，顯示最少有８個月台，是往不同方向的本線，例如山陽本線。
呢個就係新幹線的專用顯示牌，可以睇到不同方向既列車開出時間，有幾多卡，經咩站都睇到。無記錯我係應該搭左１１：２８分開往東京既列車。
新幹線！好型呀！呢架應該係N700系既列車！
車箱入面既情況，同台灣高鐵幾乎都係一樣的。呢架係新幹線N700系的內部。
新大阪站！
由於我已經一早訂好左Hostel係大阪，所以睇好路線圖之後，我就知道搭紅線，就可以去到心齋橋啦，因為我間Hostel係果度，而今次我訂是Hana Hostel，之前有朋友坐過，據說一流，所以我就去試住啦。２８００羊一晚！
下到地下鐵，當然要先買票啦！早前上網做功課，很多人會說用大阪周遊劵，因為火車地鐵巴士都搭得，計我話，如果你只利用地下鐵作為交通工具，其實可以買地下鐵1Day Pass，價錢平好多，而且一樣大部份地鐵都可以搭(私鐵除外)，假日是600羊，平日是800羊，非常抵玩。周遊劵，說穿了，只是用來賺遊客的$$吧。 如果想知道怎樣買這樣票，可參考下列網址：
大阪市交通局的地鐵．巴士共通一日券
利用自動售票機，買好了1Day Pass之後，就先移動去Hostel放下行李囉。
不過，今次很少有影Hostel的照片，大家想睇的就自己在Google 查「Hana Hostel」啦！
到達Hostel，櫃檯的小姐很有禮貌的說到還沒有到Check-in時間，所以請先寄放行李，然後再回來Check-in。之後，我當然要問一問附近有沒有100羊店啦，因為要買充電器，她很有禮的幫我在地圖上標了一間百羊店，另外因為怕可以百羊店找不到，所以另外再標了一間賣電器的大賣場，據說在日本很有名，叫Bic Camera。好吧，先出發去Bic Camera，途中找地方醫肚。
地下鐵一日劵 假日600羊
平日下午兩點，紅線地鐵幾乎無人坐，不過我係總站上車。相對香港，一樣多人到呢......
沿路走去，發覺大阪果然跟四國很不同，多了一點點城市的味道，街上很多人，而且也很忙碌似的，跟香港有點似。少了的，就沒有了四國那種悠閒的感覺，不太合我的胃口。
沿路行過，發現竟然有吉野家，當然要試下日本吉野同香港吉野有咩唔同啦，我就叫左個大牛，唔夠半分鍾已經送到臉前，仲要有無限凍茶供應，爽！
吃下肚，感覺其實跟香港一樣。無什麼特別的。吃過之後，就繼續去Big Camera睇充電器啦！不過，看過之後，發覺價錢實在太貴，一個充電器要一千多羊，實在太貴，所以我就轉移地點去１００羊店啦。
１００羊店位處心齋橋購物街，順道觀光，實在是超級多人，多人到我不想行，唯有快快行過，趕快找到１００羊店。
皇天不負有心人，１００羊店，果然俾我找到便宜的充電器，就用它吧！買好了之後，我就先回Hostel去Check-in，順便可以先充充電。
充電頭加充電線
仲搵到龍角散
回到Hostel，拿好行李，便上房啦！今次我預訂的是６人房，一開房門，左邊一排三張的上下隔床，右邊就是通道，房間不算大，但每個床位都有窗簾，叫做有一定的私隱度。每張床床頭有一個櫃，可自備鎖頭將重要的東西鎖好，但是我自己通常就不會用啦。放好行李，接好充電器，便準備再出門，來到大阪，沒什麼預定節目，就去行下街，買下野啦！
其實大阪有好幾個行街點，今次我就集中於商場，商場亦有幾個地方好行，分別係梅田，難波，同埋天王寺。呢一日的下午，我就先去天王寺附近行下啦！
天王寺個人覺得幾好行，商場走年青路線不高檔，行左Q's Mall 同 Hoop ，都係主打年輕路線。
行Hoop時睇中左個背包，幾靚，但又幾貴，聽日再決定啦！
行完天王寺呢兩個商場，其實都已經７點。係日本，大部份既商場或者百貨店都會係８點關門。趁還有少少時間，趕快坐車去梅田，行一行阪急百貨，還趁關門之前，買了兩條手帕給老媽子，Made in Japan的手帕，一條大約是1000羊，有貴有平，付款時在我前面的日本OL一口氣買了七、八條，應該是用來送禮吧。
八點之後，大部份商鋪都關門，除非你去居酒屋，或是酒吧跟夜店，不然的話就沒有什麼好行的了。我也乖乖的，坐地鐵回家。順道還試了日本的麥記，的確好吃，但也的確比香港的貴！
日本老麥
吃得飽飽，便回到Hostel，先洗澡，浴室跟厠所是乾淨的沒話說，洗完白白，便回床去看書，上網，打發時間囉。再晚一點的時間，有兩個香港來的朋友跟我共住一間房，聊了一會，相約明天早上一起去吃早餐，便各自睡覺了。
沒有留言:
發佈留言