柬埔寨 - 吳哥窟之旅

柬埔寨 - 吳哥窟之旅
（７／２０１４）

這次旅程開始之前，其實無計劃會去柬埔寨。應該話，一直我都揸唔定主意去邊。只係知道需要出走一下，休息一下。咁岩，見到國泰Fanfares，有特價。有台灣（又去台灣），有日本（又係日本？），有大陸（唔想返大陸），咁岩我就見到有多一個選擇，金邊。咦，金邊，咪即係柬埔寨，試下都好喎。　

查了一下機票，來回唔駛＄１５００，港龍機，抵！時間方面，早機去早機返，尚算可以，其中一個選擇係留５日，都符合要求！好，一於就問下上個月去完既朋友先！Whatsapp佢，問佢柬埔寨自由行係咪好OK？（抱歉我仲以為柬埔寨好落後）佢就話非常OK！自由行無問題，而且吳哥窟係世界文化遺產，值得一去！就係咁，我就決定左，呢個柬埔寨 - 吳哥窟之旅落實！

港龍機，因為Fanfares關係來回只需＄１５００

日本四國之旅 Day 8 - Day 9 : 大阪市內遊 -> 關西機場 -> 香港

日本四國之旅 Day 8 - Day 9 : 大阪市內遊 -> 關西機場 -> 香港

雖然說還有Day 9，但其實我是早上８：４５的飛機，所以其實跟沒有一樣的。就放在一起寫啦。

一早起來，其實大約由６點左右至８點這段時間，我都是醒下又訓下，因為其他房客都在收拾行裝Check Out，到我真正起床，我估大約８點多的時間，除了那兩位香港朋友，其他的都已經不見，有一些Check-Out，有一些就已經出去觀光，真係有無咁早呀？　

見兩位香港朋友還在睡，我便先去沖個涼，再刷個牙，洗個臉，才看到他們起床。而我就先收拾行裝，因為我也要準備退房，咁今晚訓邊？登登登，訓機場是也！其實訓機場幾辛苦的，所以勸大家都是不要亂訓機場。以我訓了幾次機場的經驗，基本上你係訓唔到，除非你完全無戒心又或者係超級放心，唔係既話你總會驚你既行李俾人偷左。但如果真係要訓，有一個訓機場指南，可以俾大家參考下。　

The Guide to Sleeping in Airport

裡面有齊全世界各大機場既訓機場指南同用家評論，當然有啲好細既機場無得訓啦。但我覺得係幾全面的。可以一戰。

收拾好行李，兩位香港朋友就話去附近的一間食蛋好出名既鋪頭食早餐，叫Eggs'n Things，我就當然跟住去啦，行左兩個街口，轉左個灣，就到啦！已經有人排緊隊，不過排隊時可以先睇餐牌，諗定食乜，其實條隊都係得大約十個人係我前面，唔駛１５分鍾就到我地三個人啦。入到去，店員既打扮都好有夏威夷風情，因為鋪頭係來自夏威夷？？

我地三個都各自揀左不同既Omelette，其實個奄列都係一種菜類，如蕃茄或蘑菇，加一種肉，如火腿再加一種芝士，三種材料合埋，然後佢仲有牛油薯仔附上，係一份勁量早餐！一份大約係１０００羊至１２００羊左右，唔算平。落左單，大約等左十分鍾就有得食啦！一上枱既時候，真係估唔到煎得咁靚仔，一個半月形既奄列，再加半碟既薯仔。然後自己再加茄汁，就唔客氣啦！食落，學食評人話齋，蛋有蛋味，真係好好正。芝士加蕃茄又係絕配，絕對係值得食既。其實佢仲有其他野食，有甜品，有特式飲品，不過我地志在食蛋就無試到其他野啦！

食完個奄列，其實已經飽左大半，食埋薯仔，真係Full到上心口，結果今日我連午餐都唔駛食，直接食晚餐。

美味的Omelette

日本四國之旅 - Day 7 : 高松市 -> 大阪市內

來到Day 7 了，今天有無什麼預定觀光節目？好像是沒有，因為今天一整個上午都是交通時間，下午才有空閒走走大阪市內。不過，上午也有一定我期待已久的節目，就是坐新幹線！日本的子彈火車！　

一早起來，把行李及大背包作最後的包裝，其實昨天晚上已經執拾了大部份的衣服，早上是作最後的包裝。吃過最後的早餐，今天的早餐也是很豐富的，而且更是Yui親自下廚，其實是煎了蛋捲，跟媽媽手作的三文治，嗚啊，又是幸福的一天。

吃過幸福的三文治，收拾好行裝，係時候跟這個日本家庭講拜拜了。今天爸爸也很好人，因為他會載我到火車站，其實爸爸是有工作的，不過剛好我到訪的時間是星期五至星期日，所以剛好爸爸都在家，不過他逢星期一至五其實都不在家，因為他被他的公司派到瀨戶內海的島上工作，所以星期日晚他會駕車回到小島，星期五晚會回到家中。

不到十分鍾，就已經到了火車站了。Yui跟我說：「很多謝你能到我家Couchsurf，有機會既話一定要再黎日本玩！」我當然也回到：「呢幾日好多謝你俾機會我試到Couchsurf，如果有朝一日你黎香港玩，亦都請一定要通知我！」之後，影一影相，告別爸爸跟Yui，我又再重新上路啦！

再見囉！高松市！ 

日本四國之旅 Day 6 : 直島一天遊

日本四國之旅 Day 6 : 直島一天遊


一覺醒來，非常舒服。比陽光照射的自然醒，幾時都係咁醒神的。呢一日亦係日本咁多日訓得最好的一日，可能有家的感覺，所以訓得比較好。

訓醒之後，就落樓下啦，洗好臉刷好牙。放係我臉前的，竟然係早餐！！！　
真係要用三個感嘆號黎表達我的激動，從來無諗過去旅行都可以有家庭式早餐食。　

係屋企，雖然有時都會自己煮俾自己食，但人地煮俾我食就真係未有機會。(感動流淚ｘ100)

有沙律，有飯團，有昨天晚上喝剩的麵豉湯，也有蛋捲，啊啊啊，要飛上天了。最感動的是，因為昨晚我肚痾唔舒服，竟然有一支益力多俾我飲，實在太好啦！

平時在香港，早餐都是一個包，有時豐富一點就落街食大家樂，這種豐富的家庭式早餐，真的令人充滿元氣呀！嗚啊！　

食過充滿元氣的早餐，Yui同我講她的爸爸可以載我地出去市中心，佢就返工，我就搭船去外島玩咁。連車錢都慳返！

坐過Yui老豆的一程車，我先在碼頭落車，開展獨自一人的外島之旅。

究竟去小豆島定直島呢？到呢一刻我都未諗定，然後我就見到，直島有船到啦喎！
好，一於就直島！原因？有船到囉！　　

日式家庭早餐，嗚啊。

日本四國之旅：Day 5 : 高知市 -> 高松市琴平町 -> 高松市

來到行程的第五天，旅程已經過了一半啦話咁快。今天的行程是，坐火車離開高知市。北上到高松市，而之後的兩天晚上，都住在Hosty的家中。到高松市之前，先會到高松市琴平町，去看大大出名的金刀比羅宮，然後才去高松市區。

在之前的幾晚，我已經跟Host約好，因為她要上班，所以就約在晚上在市區等。在今天，可以比前幾天遲一些才起床，因為今天會坐的是１０：１３分開出的火車。不過不知道是否因為昨晚食得太飽，也喝了兩杯酒，肚有點不舒服的感覺。不過也不是痾到七彩，可以繼續行程。起床後，換妄梳洗，執拾好行李，便準備退房，離開這間住了三個晚上的酒店囉。背著大背包，走１０分鍾去到車站，先在便利店買了點早餐。然後再在車站的土產店買了一些手信，作為給Host的見面禮嘛。之後，便坐上了高知車站開的南風號，１０：１３分正式跟這個美麗的四國南部都市講再見囉！　

坐上特急南風號，沿路北上，今天要先到的是高松市琴平町，而這是個中途站，所以在未到高松市前，我已經在琴平站下車了。在琴平，有一個很有名的地點，就是金刀比羅宮。其實我只知道它很有名，但因為在行程中沒有特別加插去神社，所以反正有時間，就來看看啦。在JR琴平站下車後，先找Locker放我的大背包，一天要７００羊，不算太便宜呢。之後，輕裝上陣。因為一陣要行差不多一千級樓梯，才上到主殿，天丫，是一千級。

琴平町不大，沿路走去，中途先遇到琴平電鐵站，是高松市的地面電車，就像香港的輕鐵一樣。而JR四國Pass也是可以免費任搭的。先進站拍兩張照片，然後繼續金刀比羅宮走去。轉進神社前的大街，一系列的食店跟土產店就出現囉。因為這裡也是日本國內有名的旅遊點，看到不少的旅行團呢。


沿路步進，開始了我的樓梯之旅，沿路走上都是一系列的店子，直到神社前的大門，別高興，才走了一半。進去之後還有幾百級等我走上主殿。金刀比羅宮是依山而建，內有多個殿及書室。供奉的是保祐海上航行的神。而四國島環海，所以一直以來都有很多人去參拜供奉。　

JR琴平站，歷史悠久的一個站