Perth小記

Perth小記

來到珀斯已經有三個星期了。大致上都已經摸熟了珀斯的地方。巴士有坐過，貓車有坐過，火車地鐵也有坐過，只沒有坐過的士。而我，現在住在一個叫Victoria Park的小區。距離珀斯市區有大約15分鍾車程。步行的話則大約45分鍾至1小時。小區裡設施齊全，步行15分鍾有超市，食肆，蔬菜店，藥房，郵局，銀行等等。珀斯市是環繞一個湖而發展的，叫Lake Swan。天鵝湖。所以其實風景是很美麗的，比起香港來說。而這裡隨時隨地都看到BBS，Big Blue Sky。因為這裡的住宅都是房子，只有市中心的建築才有一些十多層高的大樓。而且也有很多都只是四至五層樓高而已。所以一抬頭，就會有Big Blue Sky看。在香港，這恐怕不易吧。

至於我的工作？
現在我在珀斯找到一份華人酒家工。
做侍應。其實就乜都做。落單，執台，上菜，倒垃圾，洗厠所，補貨​，上小食，等等等等都做。老闆是朋友的親戚，所以人工會高一啲有​$12/H。普通只有$10/H。有分午間同晚間，11:30 - 2:30 5:00 - 9:30 / 10:30 。現在我暫時返晚上。一個星期有四至五晚返工。如果之後搬去酒家​附近，可以做埋午間。
所以一個星期我暫時當有四晚，每晚5粒鍾。都有20粒鍾，$24​0一個星期。計落都有差不多$2000港紙既。如果再返多啲同返​埋午間就當然更多，但會更累。

其實老闆好人，老闆娘都好人，同事都唔錯既。除非做野有時好忙同​累啲之外，我覺得是OK的。錢係比較少，白工扣稅後一般都有15​ - 16蚊一個鍾。但我覺得都可以接受。同埋做餐館可以慳到食既錢。

當然，我其實都係想搵啲工廠工，多啲錢嘛。不過有時候會覺得淨係​做野返工，無乜Holiday Mood。因為返完工好累，又唔想出街的。但可能都會係一種體驗​啦，因為係香港我都無乜可能會返餐館工的。當係體驗一種。

黎緊我要繼續認餸名，同堆佢地既樣。因為有好多菜。同埋啲英文名​係唔識既。我黎到呢度先知菠菜同蒜頭既英文係乜。當認曬之後又要​知道佢地個中文名係乜喎，因為西人餐牌係無中文的。所以，我又要​知道點樣寫單。　

未來，我想仍會繼續先做餐館工。除非有白工可以聘請我，否則也應該會繼續做。不過也想趁這幾個月玩玩西澳這一帶，希望可以達成吧！　

Kevin Sze @ Perth 23/7/2011