「論盡」香港
昨天晚上，跟友人外出吃飯，先相約到屋邨快餐店打邊爐，點知去到發現滿座。然後再打算去另一間，也滿座。最後，到跨國公司麥記解決。席間說到工作，生活，未來等等。從工作發展，談到未來動向。不約而同地，我們都有意思想過移民外地發展，因為香港真的是太多人了。
我：「有沒有想過移民外地發展？」
友：「其實都有架。女朋友都話留係香港唔掂，移民其實係一條出路。」
我：「咁又真係。我覺得點解依家咁亂，其實係因為香港空間唔夠，土地唔夠。空間唔夠就令到好多野都做唔到。好似房屋問題咁，土地夠空間夠既話，樓價根本唔會咁高，政府亦可以輕易發展到新市鎮興建大型的公共房屋俾市俾市民住。就算係發展科技園，中藥港，又或者大型體育設施，都唔駛咁頭痕。但目前香港限死左係條界到，唔夠地結果搞到呢啲基本民生既野都做唔到。」
友：「其實只要政府搞好丁權，就會空左好多地出黎，不過呢個又係涉及圍村人既利益，根本好難搞。但如果真係取消左，就會釋放返好多土地出黎，咁就正啦。」
我：「所以其實都係唔同人既利益有重疊果時，就會有好多呢啲既衝突出現。好似澳洲咁，未聽過話唔夠地令到有房屋問題，因為人地就係地多。雖然佢地後生一輩都有買唔到屋呢個問題存在，但對比香港，佢地最少可以發展更多既土地，而香港就限死左。」
友：「唉，而且講移民，唔係話移就移，都仲有屋企架嘛。」
